మధ్యప్రాచ్యంలో కొనసాగుతున్న ఉద్రిక్త పరిస్థితుల మధ్య ఇరాన్ యుద్ధంపై కీలక పరిణామాలు చోటుచేసుకున్నాయి. (Iran) ఇరాన్ సుప్రీం లీడర్గా భావిస్తున్న Mojtaba Khamenei గాయాల వల్ల కోమాలో ఉన్నారనే వార్తలు ఇటీవల వైరల్ అయ్యాయి. అయితే ఈ వార్తలకు తెరదించుతూ ఆయన ప్రత్యక్షంగా స్పందించి ప్రపంచానికి షాక్ ఇచ్చారు. తాను సురక్షితంగానే ఉన్నానని సంకేతాలు ఇస్తూ, యుద్ధం ఇంకా ముగియలేదని స్పష్టం చేశారు.
మొజ్తబా ఖమేనీ చేసిన వ్యాఖ్యలు ప్రపంచవ్యాప్తంగా చర్చనీయాంశంగా మారాయి. “మా వేళ్లు ఇంకా ట్రిగ్గర్ పైనే ఉన్నాయి. ఎప్పుడైనా యుద్ధానికి సిద్ధంగా ఉన్నాం. అమెరికా లేదా ఇజ్రాయెల్ ఏ చిన్న తప్పు చేసినా గట్టిగా ప్రతిస్పందిస్తాం” అంటూ ఆయన హెచ్చరికలు జారీ చేశారు. దీంతో ఇరాన్ వెనక్కి తగ్గే ఉద్దేశంలో లేదని స్పష్టమవుతోంది.
ఇక మరోవైపు అమెరికా కీలక ప్రకటన చేసింది. Donald Trump నేతృత్వంలోని వైట్ హౌస్ నుంచి వచ్చిన సమాచారం ప్రకారం, (Iran) ఇరాన్ మరియు అమెరికా మధ్య రెండు వారాల పాటు కాల్పుల విరమణకు అంగీకారం కుదిరింది. ఈ విషయాన్ని అధికారికంగా ప్రకటించారు. పాకిస్తాన్ ప్రధాని Shehbaz Sharif మరియు ఆర్మీ చీఫ్ Asim Munir తమతో సంప్రదింపులు జరిపినట్లు ట్రంప్ వెల్లడించారు.
హార్ముజ్ జలసంధిని సురక్షితంగా తెరవడానికి ఇరాన్ అంగీకరించిందని, అందువల్ల తాత్కాలికంగా దాడులను నిలిపివేయాలని నిర్ణయం తీసుకున్నట్లు ట్రంప్ తెలిపారు. రెండు వైపులా ఈ కాల్పుల విరమణ వర్తిస్తుందని కూడా స్పష్టం చేశారు. అంతేకాకుండా ఇరాన్ నుంచి వచ్చిన 10 అంశాల ప్రతిపాదనలపై చర్చలు జరపడానికి అమెరికా సిద్ధంగా ఉందని తెలిపారు.
ఈనెల 10న Islamabad లో కీలక చర్చలు జరగనున్నాయి. ఈ చర్చలు యుద్ధానికి శాశ్వత పరిష్కారం చూపే అవకాశముందని భావిస్తున్నారు. గతంలో ఉన్న వివాదాస్పద అంశాల్లో చాలా వరకు ఇరు దేశాలు అంగీకారానికి వచ్చాయని సమాచారం.
అయితే ట్రంప్ కాల్పుల విరమణకు అంగీకరించినప్పటికీ, ఇరాన్ మాత్రం తన వైఖరిలో మార్పు లేదని సంకేతాలు ఇస్తోంది. అవసరమైతే యుద్ధాన్ని కొనసాగించేందుకు సిద్ధంగా ఉన్నామని స్పష్టం చేస్తోంది. దీంతో ఈ పరిస్థితి ఇంకా ఉద్రిక్తంగానే కొనసాగుతోంది.
ఈ యుద్ధ ప్రభావం ప్రపంచవ్యాప్తంగా కనిపిస్తోంది. ముఖ్యంగా భారతదేశంలో ధరలు పెరగడం, వంటగ్యాస్, నూనెలు, కూరగాయల ధరలపై ప్రభావం పడింది. తెలంగాణ, ఆంధ్రప్రదేశ్ రాష్ట్రాలపై కూడా ఈ ప్రభావం గట్టిగానే ఉంది.
గల్ఫ్ దేశాల్లో పనిచేస్తున్న భారతీయులు, ముఖ్యంగా తెలుగువారిపై కూడా ఈ పరిస్థితి ప్రభావం చూపుతోంది. యుద్ధం ముగిస్తే వారి జీవన విధానం మెరుగుపడటంతో పాటు భారతదేశానికి వచ్చే రెమిటెన్సులు కూడా పెరిగే అవకాశం ఉంది.
మొత్తంగా ఈ పరిణామాలపై ప్రపంచం దృష్టి సారించింది. రాబోయే చర్చలు యుద్ధానికి ముగింపు పలుకుతాయా లేదా అన్నది ఆసక్తికరంగా మారింది.
Also read:
