ఫుట్బాల్ ప్రపంచంలో అత్యంత ప్రతిష్టాత్మకమైన టోర్నమెంట్గా గుర్తింపు పొందిన (FIFA)ఫిఫా వరల్డ్ కప్ 2026 ఘనంగా ప్రారంభమైంది. అయితే టోర్నమెంట్ ప్రారంభ మ్యాచ్ నుంచే అభిమానులకు ఉత్కంఠభరితమైన క్షణాలు, వివాదాస్పద సంఘటనలు కనిపించాయి. మెక్సికో మరియు సౌతాఫ్రికా జట్ల మధ్య జరిగిన తొలి పోరులో మెక్సికో 2-0 తేడాతో విజయం సాధించింది. కానీ ఈ మ్యాచ్ ఫలితం కంటే ఎక్కువగా మైదానంలో చోటుచేసుకున్న ఘర్షణలు, మూడు రెడ్ కార్డులు చర్చనీయాంశంగా మారాయి.
(FIFA) మ్యాచ్ ఆరంభం నుంచే మెక్సికో జట్టు దూకుడుగా ఆడింది. తొలి 10 నిమిషాల్లోనే గోల్ నమోదు చేసి ఆధిక్యంలోకి వెళ్లిన మెక్సికో, మ్యాచ్ మొత్తాన్ని తన ఆధీనంలో ఉంచుకుంది. రెండోార్థంలో మరో గోల్ సాధించి విజయాన్ని ఖాయం చేసుకుంది. గణాంకాల పరంగా కూడా మెక్సికో పూర్తి ఆధిపత్యాన్ని ప్రదర్శించింది. గోల్ చేసే ప్రయత్నాల్లోనూ, బంతి నియంత్రణలోనూ ప్రత్యర్థిపై స్పష్టమైన ఆధిక్యం కనబరిచింది.
అయితే మ్యాచ్ రెండోార్థంలో ఉద్రిక్త పరిస్థితులు నెలకొన్నాయి. సౌతాఫ్రికా ఆటగాడు ప్రత్యర్థిపై ప్రమాదకర టాకిల్ చేయడంతో రెఫరీ నేరుగా రెడ్ కార్డ్ చూపించాడు. కొద్దిసేపటికే మరో సౌతాఫ్రికా ఆటగాడు కూడా దూకుడైన ప్రవర్తన కారణంగా మైదానం వీడాల్సి వచ్చింది. దీంతో సౌతాఫ్రికా జట్టు 9 మంది ఆటగాళ్లతోనే మ్యాచ్ కొనసాగించాల్సిన పరిస్థితి ఏర్పడింది.
మ్యాచ్ చివరి దశలో మెక్సికోకు చెందిన ఒక డిఫెండర్ కూడా రూల్స్ ఉల్లంఘించడంతో రెడ్ కార్డ్ అందుకున్నాడు. దీంతో ఒకే మ్యాచ్లో మూడు రెడ్ కార్డులు నమోదవడం అభిమానులను ఆశ్చర్యానికి గురి చేసింది. వరల్డ్ కప్ ప్రారంభ మ్యాచ్లో ఇలాంటి ఘటన అరుదుగా జరుగుతుందని క్రీడా విశ్లేషకులు చెబుతున్నారు.
ఫుట్బాల్లో రెడ్ కార్డ్ అనేది అత్యంత కఠినమైన శిక్షగా భావిస్తారు. ప్రమాదకర టాకిల్స్, హింసాత్మక ప్రవర్తన లేదా ఆట స్ఫూర్తికి విరుద్ధంగా వ్యవహరించినప్పుడు రెఫరీ ఈ కార్డ్ చూపిస్తారు. రెడ్ కార్డ్ పొందిన ఆటగాడు వెంటనే మైదానం వీడాల్సి ఉంటుంది. అతని స్థానంలో మరో ఆటగాడిని దింపే అవకాశం కూడా ఉండదు. దీంతో జట్టు సంఖ్యాపరంగా నష్టపోయి మ్యాచ్పై ప్రభావం పడుతుంది. ఫిఫా వరల్డ్ కప్ 2026 తొలి మ్యాచ్లోనే చోటుచేసుకున్న ఈ సంఘటనలు టోర్నమెంట్కు మరింత ఆసక్తిని తీసుకొచ్చాయి.
Also read: