ఇంజినీరింగ్ అభ్యర్థులు ఎంతో ఆసక్తిగా ఎదురుచూస్తున్న (JoSAA) కౌన్సెలింగ్ 2026 ప్రక్రియ ప్రారంభమైంది. దేశంలోని ప్రముఖ విద్యాసంస్థలైన Indian Institutes of Technology, National Institutes of Technology, Indian Institutes of Information Technology తదితర సంస్థల్లో బీటెక్ ప్రవేశాల కోసం నిర్వహించే ఈ కౌన్సెలింగ్ ప్రక్రియ జూన్ 3 నుంచి అధికారికంగా ప్రారంభమైంది.
ఈ మేరకు Indian Institute of Technology Roorkee పూర్తి షెడ్యూల్ను విడుదల చేసింది. అభ్యర్థులు సాయంత్రం 5 గంటల నుంచి తమ ఎంపికల నమోదు (Choice Filling) ప్రక్రియను ప్రారంభించవచ్చు. ఈ ఏడాది కౌన్సెలింగ్ మొత్తం ఐదు విడతల్లో నిర్వహించనున్నారు.
తొలి విడత కౌన్సెలింగ్ ప్రక్రియ జూన్ 11 వరకు కొనసాగుతుంది. అనంతరం జూన్ 13న మొదటి విడత సీట్ల కేటాయింపు ఫలితాలను ప్రకటించనున్నారు. సీట్లు పొందిన విద్యార్థులు ఆన్లైన్ రిపోర్టింగ్, డాక్యుమెంట్ అప్లోడ్, ఫీజు చెల్లింపు ప్రక్రియలను పూర్తి చేయాల్సి ఉంటుంది.
షెడ్యూల్ ప్రకారం రెండో విడత సీట్ల కేటాయింపు జూన్ 30న, మూడో విడత జులై 6న, నాలుగో విడత జులై 10న, ఐదో మరియు చివరి విడత జులై 16న జరగనుంది. మొత్తం కౌన్సెలింగ్ ప్రక్రియ జులై 21తో ముగియనుంది.
ఈసారి (JoSAA) పరిధిలో మొత్తం 138 విద్యాసంస్థల్లో ప్రవేశాలు కల్పించనున్నారు. వీటిలో 23 IITలు, Indian Institute of Science, 31 NITలు, Indian Institute of Engineering Science and Technology Shibpur, 26 IIITలు, 56 ఇతర ప్రభుత్వ నిధులతో నడిచే సాంకేతిక విద్యాసంస్థలు (GFTIs) ఉన్నాయి.
IITలు మరియు IIScలో సీట్ల కేటాయింపు JEE Advanced 2026 ర్యాంకుల ఆధారంగా జరుగుతుంది. NITలు, IIITలు, GFTIsలో ప్రవేశాలు JEE Main 2026 ర్యాంకుల ఆధారంగా కేటాయించబడతాయి.
విద్యార్థులు తమ ర్యాంక్, కేటగిరీ, ఆసక్తి ఉన్న కోర్సులు, కళాశాలల ఆధారంగా జాగ్రత్తగా ఆప్షన్లు నమోదు చేసుకోవాలని విద్యా నిపుణులు సూచిస్తున్నారు. సరైన ఎంపికలు భవిష్యత్తు కెరీర్పై కీలక ప్రభావం చూపే అవకాశం ఉందని చెబుతున్నారు.
- Money Plant: మనీ ప్లాంట్తో పాటు ఈ క్రిస్టల్ కూడా ఉందా?
- PawanKalyan: తెలంగాణ రాజకీయాల్లో హాట్ టాపిక్గాప్రెస్మీట్!
