మహిళలు ఇంటి వద్ద నుంచే వ్యాపారం ప్రారంభించాలని ఆలోచిస్తున్నట్లయితే తక్కువ పెట్టుబడితో ఎక్కువ ఆదాయం అందించే మంచి అవకాశాలు ప్రస్తుతం అందుబాటులో ఉన్నాయి. అందులో ముఖ్యంగా ఫ్యాషన్ డిజైనింగ్ రంగానికి సంబంధించిన మగ్గం వర్క్ లేదా (ZardosiWork) జర్దోసి వర్క్ ఒక లాభదాయకమైన వ్యాపారంగా మారుతోంది. రోజురోజుకు ఫ్యాషన్పై అవగాహన పెరుగుతున్న నేపథ్యంలో కస్టమైజ్డ్ డిజైనింగ్ దుస్తులకు భారీ డిమాండ్ ఏర్పడుతోంది.
ఇప్పటి తరుణంలో సాధారణంగా రెడీమేడ్ దుస్తులు కొనడం మాత్రమే కాకుండా వాటికి ప్రత్యేకమైన డిజైనింగ్ చేయించుకోవడం ట్రెండ్గా మారింది. ముఖ్యంగా పెళ్లిళ్లు, ఫంక్షన్లు, పండుగల సమయంలో మహిళలు ప్రత్యేకంగా డిజైన్ చేసిన చీరలు, బ్లౌజులు, లెహంగాలు ధరించడానికి ఆసక్తి చూపుతున్నారు. ఈ క్రమంలో మగ్గం వర్క్కు ప్రత్యేక గుర్తింపు ఏర్పడింది. ఈ వర్క్ను జర్దోసి వర్క్ అని కూడా పిలుస్తారు.
మగ్గం వర్క్ అనేది ఒక సాంప్రదాయ కళ. గతంలో ఎక్కువగా ఉత్తర భారతదేశానికి చెందిన కళాకారులు ఈ పనిని చేసేవారు. అయితే ప్రస్తుతం స్థానికంగా కూడా ఈ కళను నేర్చుకుని ఎంతోమంది మహిళలు ఆదాయం పొందుతున్నారు. ముఖ్యంగా ఇంట్లో ఖాళీ సమయాన్ని వినియోగించుకోవాలని భావించే మహిళలకు ఇది మంచి అవకాశం.
ఈ కళను నేర్చుకోవడానికి పెద్దగా అర్హత అవసరం లేదు. తెలంగాణ రాష్ట్ర ప్రభుత్వం ఆధ్వర్యంలో పనిచేసే SETWIN సంస్థ ఈ (ZardosiWork) జర్దోసి వర్క్పై ప్రత్యేక శిక్షణ అందిస్తోంది. మూడు నెలల పాటు జరిగే ఈ కోర్సులో పూర్తిస్థాయిలో మగ్గం వర్క్ నేర్పిస్తారు. ఈ కోర్సు ఫీజు కూడా చాలా తక్కువగా ఉండటం విశేషం. సుమారు రూ.2000తో ఈ కోర్సును పూర్తి చేయవచ్చు. కోర్సు పూర్తి చేసిన వారికి సర్టిఫికెట్ కూడా అందజేస్తారు.
ఈ వర్క్ నేర్చుకున్న తర్వాత మహిళలు సొంతంగా ఇంటి వద్ద నుంచే ఆర్డర్లు తీసుకుని పని చేయవచ్చు. లేదా ఫ్యాషన్ డిజైనింగ్ బూటిక్స్లో పనిచేసి స్థిరమైన ఆదాయం సంపాదించవచ్చు. ప్రస్తుతం మార్కెట్లో జర్దోసి వర్క్కు మంచి డిమాండ్ ఉండటంతో మంచి ఆదాయం పొందే అవకాశం ఉంది.
ఈ రంగంలో నైపుణ్యం పెంచుకుంటే రోజుకు రూ.5000 వరకు కూడా సంపాదించవచ్చని నిపుణులు చెబుతున్నారు. ముఖ్యంగా సృజనాత్మకత, ఓపిక ఉన్న మహిళలకు ఈ రంగంలో విజయవంతం కావడానికి ఎక్కువ అవకాశాలు ఉన్నాయి. భవిష్యత్తులో కూడా ఫ్యాషన్ రంగం మరింత విస్తరించే అవకాశాలు ఉన్నందున ఇది స్థిరమైన వ్యాపారంగా మారే అవకాశం ఉంది.
Disclaimer: పై సమాచారం కేవలం అవగాహన కోసం మాత్రమే. ఇది వ్యాపార సలహా కాదు. ఏదైనా వ్యాపారం ప్రారంభించే ముందు నిపుణులను సంప్రదించడం మంచిది.
Also read:
