(Telangana) తెలంగాణ రాజకీయాల్లో ఎమ్మెల్సీల సస్పెన్షన్ వ్యవహారం హాట్టాపిక్గా మారింది. స్పీకర్పై అనుచిత వ్యాఖ్యలు చేశారనే ఆరోపణల నేపథ్యంలో బీఆర్ఎస్ ఎమ్మెల్సీలు తాతా మధు, నవీన్ రెడ్డిపై మండలి చైర్మన్ గుత్తా సుఖేందర్ రెడ్డి చర్యలు తీసుకున్నారు. ఇద్దరినీ ప్రస్తుత శాసనమండలి సమావేశాల పూర్తికాలం సస్పెండ్ చేస్తున్నట్లు చైర్మన్ ప్రకటించారు.
ఈ వ్యవహారంపై అంతకుముందే (Telangana) అసెంబ్లీలో కాంగ్రెస్, సీపీఐ, ఎంఐఎం ఎమ్మెల్యేలు అభ్యంతరం వ్యక్తం చేశారు. స్పీకర్పై ఎమ్మెల్సీలు చేసిన వ్యాఖ్యలపై చర్యలు తీసుకోవాలని వారు డిమాండ్ చేశారు. ఈ మేరకు అసెంబ్లీలో తీర్మానం చేసి దానిని శాసనమండలి చైర్మన్కు పంపించారు.
ఇదిలా ఉండగా, అరెస్టు అనంతరం కోర్టు బెయిల్ మంజూరు చేయడంతో తాతా మధు, నవీన్ రెడ్డి సాయంత్రం మండలికి హాజరయ్యారు. ఇద్దరు ఎమ్మెల్సీలు తిరిగి సభకు రావడంపై కాంగ్రెస్ ఎమ్మెల్సీ మహేష్ గౌడ్ అభ్యంతరం వ్యక్తం చేసినట్లు సమాచారం. వారిని వెంటనే సస్పెండ్ చేయాలని కాంగ్రెస్ ఎమ్మెల్సీలు డిమాండ్ చేశారు.
దీంతో పరిస్థితిని పరిగణనలోకి తీసుకున్న మండలి చైర్మన్ గుత్తా సుఖేందర్ రెడ్డి.. తాతా మధు, నవీన్ రెడ్డిని ఈ సెషన్ మొత్తం మండలి నుంచి సస్పెండ్ చేస్తున్నట్లు ప్రకటించారు. అనంతరం శాసనమండలి సమావేశాలను రేపటికి వాయిదా వేశారు.
స్పీకర్పై చేసిన వ్యాఖ్యల నేపథ్యంలో ప్రారంభమైన ఈ వివాదం అసెంబ్లీ నుంచి మండలికి చేరడంతో తెలంగాణ రాజకీయ వర్గాల్లో చర్చకు దారితీసింది. ఎమ్మెల్సీలపై తీసుకున్న సస్పెన్షన్ చర్యపై బీఆర్ఎస్ తదుపరి స్పందన ఎలా ఉంటుందన్నది ఆసక్తికరంగా మారింది.
Also read:
