దాదాపు ఆరు దశాబ్దాల విరామం తర్వాత బ్రిటన్కు చెందిన ప్రముఖ (Beer) లయన్ బ్రూవరీ కంపెనీ భారత మార్కెట్లోకి మళ్లీ అడుగుపెట్టింది. బ్రిటిష్ కాలం నాటి చారిత్రక అనుబంధాన్ని గుర్తు చేస్తూ ఈ సంస్థ తన ప్రీమియం బీర్ ఉత్పత్తులను తొలిదశలో ఢిల్లీ మార్కెట్లో విడుదల చేసింది. భారతీయ మార్కెట్లో ప్రీమియం ఉత్పత్తులకు పెరుగుతున్న ఆదరణను దృష్టిలో పెట్టుకుని సంస్థ తన వ్యాపార విస్తరణకు ప్రణాళికలు సిద్ధం చేసింది.
భారత్లో కార్యకలాపాలను విస్తరించేందుకు లయన్ బ్రూవరీ (Beer) కంపెనీ కాపర్డ్రాప్ స్పిరిట్స్ సంస్థతో ప్రత్యేక భాగస్వామ్య ఒప్పందం కుదుర్చుకుంది. ఈ ఒప్పందం ప్రకారం దేశంలో లయన్ బ్రాండ్ ఉత్పత్తుల పంపిణీ బాధ్యతలను కాపర్డ్రాప్ స్పిరిట్స్ నిర్వహించనుంది. ప్రస్తుతం ఢిల్లీలో అందుబాటులోకి వచ్చిన ఈ ఉత్పత్తులను త్వరలో హర్యానా, ఉత్తరప్రదేశ్ రాష్ట్రాలకు కూడా విస్తరించాలని కంపెనీ యోచిస్తోంది.
1836లో లండన్లో స్థాపించబడిన లయన్ బ్రూవరీ కంపెనీకి భారతదేశంతో చారిత్రక అనుబంధం ఉంది. బ్రిటిష్ పాలనా కాలంలో భారత మార్కెట్ కోసం ప్రత్యేకంగా అభివృద్ధి చేసిన ఇండియా పేల్ ఏల్ (India Pale Ale) శైలి బీర్లను తయారు చేసి ఎగుమతి చేసిన తొలి సంస్థల్లో ఇది ఒకటిగా గుర్తింపు పొందింది. భారత్ తమకు కేవలం వ్యాపార మార్కెట్ మాత్రమే కాకుండా, సంస్థ చరిత్రలో కీలకమైన భాగమని కంపెనీ ప్రతినిధులు పేర్కొన్నారు.
భారతీయ మార్కెట్లో ప్రీమియం ఉత్పత్తులపై వినియోగదారుల ఆసక్తి క్రమంగా పెరుగుతోంది. పట్టణ ప్రాంతాల్లో మారుతున్న జీవనశైలి, పెరుగుతున్న ఆదాయాలు, కొత్త బ్రాండ్లపై ఆసక్తి వంటి అంశాలు ఈ విభాగం వృద్ధికి కారణమవుతున్నాయని మార్కెట్ విశ్లేషకులు చెబుతున్నారు. ఈ నేపథ్యంలో లయన్ బ్రూవరీ రీఎంట్రీ పరిశ్రమలో ఆసక్తికర పరిణామంగా మారింది.
తొలి దశలో కంపెనీ ఐలాండ్ లాగర్ మరియు పేల్ ఏల్ పేర్లతో రెండు ప్రీమియం ఉత్పత్తులను 330 మిల్లీలీటర్ల బాటిళ్లలో ఢిల్లీ మార్కెట్లో అందుబాటులోకి తీసుకొచ్చింది. వినియోగదారుల స్పందనను బట్టి భవిష్యత్తులో మరిన్ని ఉత్పత్తులు, కొత్త ప్యాకేజింగ్ ఎంపికలను కూడా ప్రవేశపెట్టాలని కంపెనీ భావిస్తోంది.
Also read:
- AP: 70 మంది పెట్టుబడిదారులను రిటైర్డ్ టీచర్ డూప్ చేశారు
- StockMarket: భారత స్టాక్ మార్కెట్లు భారీ లాభాలు
