భారతీయ SUV మార్కెట్లో (Toyota) Fortuner ఒక శక్తివంతమైన మరియు ప్రతిష్టాత్మక మోడల్గా కొనసాగుతోంది. స్ట్రాంగ్ డిజైన్, ప్రీమియం ఫీచర్లు, విశ్వసనీయ పెర్ఫార్మన్స్ కారణంగా ఈ SUVకు భారీ ఆదరణ ఉంది. కుటుంబ అవసరాలతో పాటు ఆఫ్-రోడ్ డ్రైవింగ్ను ఇష్టపడే వినియోగదారులు కూడా ఈ వాహనాన్ని ఎక్కువగా ఎంపిక చేస్తున్నారు.
(Toyota) Fortunerలో 2.8 లీటర్ డీజిల్ ఇంజిన్తో పాటు 2.7 లీటర్ పెట్రోల్ ఇంజిన్ ఆప్షన్లు అందుబాటులో ఉన్నాయి. డీజిల్ వేరియంట్ 204 PS పవర్, 500 Nm టార్క్ను ఉత్పత్తి చేస్తుంది. 6-స్పీడ్ ఆటోమేటిక్ మరియు మాన్యువల్ ట్రాన్స్మిషన్ ఎంపికలు అందుబాటులో ఉండటం డ్రైవింగ్ అనుభవాన్ని మరింత మెరుగుపరుస్తుంది. 4×2 మరియు 4×4 డ్రైవ్ వేరియంట్లు ఉండటం వల్ల నగర ప్రయాణాలతో పాటు కఠినమైన రోడ్లపై కూడా సౌకర్యవంతంగా నడపవచ్చు.
మైలేజ్ విషయానికి వస్తే, వేరియంట్ను బట్టి సుమారు 10 నుంచి 14 kmpl వరకు ఇస్తుందని కంపెనీ పేర్కొంటోంది. ఈ SUV శక్తివంతమైన పెర్ఫార్మన్స్తో పాటు స్టైలిష్ డిజైన్ను కూడా కలిగి ఉంది. ముందు భాగంలో బోల్డ్ గ్రిల్, ఆకర్షణీయమైన LED లైటింగ్ దీని లుక్ను మరింత ప్రీమియంగా మారుస్తాయి.
ఫీచర్ల పరంగా Toyota Fortunerలో 8-అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆండ్రాయిడ్ ఆటో మరియు ఆపిల్ కార్ప్లే సపోర్ట్, JBL ప్రీమియం ఆడియో సిస్టమ్, ఆటోమేటిక్ క్లైమేట్ కంట్రోల్, పవర్ బ్యాక్ డోర్ వంటి ఆధునిక ఫీచర్లు ఉన్నాయి. కనెక్టెడ్ కార్ టెక్నాలజీ ద్వారా జియో ఫెన్సింగ్, రియల్టైమ్ ట్రాకింగ్ వంటి సౌకర్యాలు కూడా అందుబాటులో ఉన్నాయి.
భద్రతకు కూడా కంపెనీ పెద్దపీట వేసింది. ఇందులో 7 SRS ఎయిర్బ్యాగ్స్, ABS with EBD, వెహికల్ స్టెబిలిటీ కంట్రోల్, హిల్ అసిస్ట్, ట్రాక్షన్ కంట్రోల్ వంటి ఫీచర్లు ఉన్నాయి. ISOFIX చైల్డ్ సీట్ మౌంట్స్ మరియు ఇంపాక్ట్ అబ్జార్బింగ్ స్ట్రక్చర్ కుటుంబ భద్రతను మరింత పెంచుతున్నాయి.
సస్పెన్షన్ కోసం ముందు డబుల్ విష్బోన్, వెనుక 4-లింక్ కాయిల్ స్ప్రింగ్ సెటప్ ఇచ్చారు. ఇది కంఫర్ట్ రైడింగ్ అనుభవాన్ని అందిస్తుంది. వాహనం వివిధ రంగుల్లో అందుబాటులో ఉండటంతో వినియోగదారులకు మరిన్ని ఎంపికలు లభిస్తున్నాయి.
ధరల విషయానికి వస్తే, హైదరాబాద్ ఎక్స్షోరూమ్ ప్రకారం ఈ SUV ధరలు సుమారు ₹34.76 లక్షల నుంచి ప్రారంభమై, టాప్ వేరియంట్ GR-S 4×4 AT ధర ₹50.46 లక్షల వరకు ఉన్నాయి. పవర్, స్టైల్, విశ్వసనీయత కలయికతో Toyota Fortuner భారత మార్కెట్లో ఇప్పటికీ అత్యంత ప్రజాదరణ పొందిన ప్రీమియం SUVగా నిలుస్తోంది.
Also read:
