Unique Identification Authority of India ఆధార్ (Aadhaar) కార్డుదారులకు భారీ ఊరటనిచ్చే నిర్ణయం తీసుకుంది. ఆన్లైన్లో ఉచితంగా ఆధార్ వివరాలను అప్డేట్ చేసుకునే అవకాశాన్ని మరో ఏడాది పాటు పొడిగిస్తున్నట్లు ప్రకటించింది. దీంతో దేశవ్యాప్తంగా కోట్లాది మంది ఆధార్ వినియోగదారులకు పెద్ద ఉపశమనం లభించింది.
ఇప్పటికే ఆధార్ (Aadhaar) డాక్యుమెంట్ అప్డేట్ కోసం ఇచ్చిన గడువు త్వరలో ముగియనున్న నేపథ్యంలో యూఐడీఏఐ తాజా నిర్ణయం తీసుకుంది. ప్రజల నుంచి వస్తున్న భారీ స్పందన, ఎక్కువ మంది వినియోగదారులు ఈ సేవను ఉపయోగించుకోవడం వల్ల గడువును మరింత పొడిగించినట్లు అధికారులు వెల్లడించారు.
తాజా ప్రకటన ప్రకారం 2027 జూన్ 14 వరకుmyAadhaar Portal ద్వారా ఉచితంగా ఆధార్ డాక్యుమెంట్లను అప్డేట్ చేసుకోవచ్చు. ముఖ్యంగా అడ్రస్ ప్రూఫ్, గుర్తింపు పత్రాలు వంటి వివరాలను ఆన్లైన్లో సులభంగా అప్లోడ్ చేసి అప్డేట్ చేసే అవకాశం కల్పించారు.
సాధారణంగా ఆధార్ వివరాలను అప్డేట్ చేయడానికి సేవా కేంద్రాల్లో ఫీజు చెల్లించాల్సి ఉంటుంది. అయితే myAadhaar పోర్టల్ ద్వారా ఆన్లైన్లో డాక్యుమెంట్ అప్డేట్ చేసుకుంటే ఎలాంటి ఛార్జీలు ఉండవని యూఐడీఏఐ స్పష్టం చేసింది. దీంతో ఇంటి నుంచే సులభంగా ఈ ప్రక్రియ పూర్తి చేసుకునే అవకాశం లభిస్తోంది.
ప్రస్తుతం బ్యాంకింగ్, ప్రభుత్వ పథకాలు, సిమ్ కార్డులు, పాస్పోర్ట్ సేవలు మరియు అనేక డిజిటల్ సేవల కోసం ఆధార్ కీలక పత్రంగా మారింది. అందుకే ఆధార్లో సరైన వివరాలు ఉండటం చాలా ముఖ్యమని అధికారులు చెబుతున్నారు. ముఖ్యంగా చిరునామా మారిన వారు లేదా పాత డాక్యుమెంట్లు ఉన్నవారు ఈ అవకాశాన్ని వినియోగించుకోవాలని సూచిస్తున్నారు.
యూఐడీఏఐ ప్రకారం, పది సంవత్సరాల కంటే పాత ఆధార్ కార్డులు కలిగిన వారు తమ వివరాలను తప్పనిసరిగా అప్డేట్ చేసుకోవడం మంచిదని సూచించింది. ఇలా చేయడం ద్వారా ఆధార్ డేటాబేస్ మరింత ఖచ్చితంగా ఉండటంతో పాటు ప్రభుత్వ సేవలు సులభంగా పొందే అవకాశం ఉంటుందని పేర్కొంది.
ఈ నిర్ణయంతో దేశవ్యాప్తంగా ఆధార్ వినియోగదారులు ఆనందం వ్యక్తం చేస్తున్నారు. సోషల్ మీడియాలో కూడా “Free Aadhaar Update” వార్త వైరల్ అవుతోంది. చివరి నిమిషం వరకు వేచి ఉండకుండా ముందుగానే వివరాలను అప్డేట్ చేసుకోవాలని నిపుణులు సూచిస్తున్నారు.
Also read:
