ఉన్నత వేతనం, కార్పొరేట్ ఉద్యోగం, స్థిరమైన కెరీర్.. ఇవన్నీ చాలామందికి కలలాంటివి. అయితే కొందరు మాత్రం డబ్బు కంటే మానసిక ప్రశాంతతకు ఎక్కువ ప్రాధాన్యం ఇస్తుంటారు. అలాంటి ఓ (Auto) మహిళ కథ ప్రస్తుతం సోషల్ మీడియాలో వైరల్గా మారింది. ఐటీ రంగంలో దాదాపు తొమ్మిది సంవత్సరాలు మేనేజర్గా పనిచేసిన ఆమె, కార్పొరేట్ ఒత్తిడికి దూరంగా ఉండేందుకు జీవితంలో కీలక నిర్ణయం తీసుకుంది.
వైరల్ అవుతున్న సమాచారం ప్రకారం, ఆ మహిళ ఒక ప్రముఖ ఐటీ కంపెనీలో మేనేజర్గా పనిచేసింది. మంచి జీతం, ఉన్నత హోదా ఉన్నప్పటికీ ఉద్యోగ ఒత్తిడి, పని గంటలు, మానసిక భారం తన వ్యక్తిగత జీవితంపై ప్రభావం చూపుతున్నాయని ఆమె భావించింది. దీంతో కార్పొరేట్ ఉద్యోగానికి రాజీనామా చేసి కొత్త మార్గాన్ని ఎంచుకుంది.
ఆమె ప్రస్తుతం సొంత (Auto) ఆటోను నడుపుతూ జీవనోపాధి పొందుతోంది. ఆశ్చర్యకరంగా ఈ వృత్తి ద్వారా నెలకు సుమారు రూ.60 వేల వరకు ఆదాయం పొందుతున్నట్లు సమాచారం. ముఖ్యంగా తన సమయాన్ని తానే నియంత్రించుకోవడం, ఒత్తిడి లేకుండా పనిచేయడం తనకు సంతృప్తినిస్తోందని ఆమె చెప్పినట్లు తెలుస్తోంది.
ఈ కథను Dr. Nezrin Midlaj సోషల్ మీడియాలో పంచుకోవడంతో ఇది వైరల్గా మారింది. వీడియో చూసిన నెటిజన్లు మహిళ ధైర్యాన్ని, స్వతంత్ర నిర్ణయాన్ని ప్రశంసిస్తున్నారు. “సంతోషం కోసం తీసుకున్న నిర్ణయం ఇదే”, “పని చిన్నది, పెద్దది కాదు.. మనసుకు నచ్చితే చాలు” అంటూ కామెంట్లు చేస్తున్నారు.
ఇటీవల కాలంలో ఉద్యోగ ఒత్తిడి, మానసిక ఆరోగ్యం, వర్క్-లైఫ్ బ్యాలెన్స్ వంటి అంశాలు ఎక్కువగా చర్చకు వస్తున్నాయి. ఈ నేపథ్యంలో ఈ మహిళ కథ చాలామందికి ప్రేరణగా నిలుస్తోంది. ఆదాయం మాత్రమే కాదు, జీవన నాణ్యత కూడా ముఖ్యమనే సందేశాన్ని ఆమె నిర్ణయం తెలియజేస్తోందని పలువురు అభిప్రాయపడుతున్నారు.
ప్రస్తుతం ఈ వీడియో సోషల్ మీడియాలో లక్షలాది మంది వీక్షించగా, కార్పొరేట్ ఉద్యోగం నుంచి పూర్తిగా భిన్నమైన రంగంలో విజయవంతంగా కొనసాగుతున్న ఈ మహిళ కథ నెటిజన్లను ఆకట్టుకుంటోంది.
Also read:
