రాజీవ్ గాంధీ అంతర్జాతీయ విమానాశ్రయం వద్ద ఒక షాకింగ్ ఘటన వెలుగులోకి వచ్చింది. మహిళలను (Marriage fraud) పెళ్లి పేరుతో మోసం చేయడానికి సీఐఎస్ఎఫ్ అధికారి వేషం వేసుకున్న వ్యక్తిని పోలీసులు అరెస్ట్ చేశారు. ఆంధ్రప్రదేశ్లోని శ్రీకాకుళానికి చెందిన బాలకృష్ణ సమ్మన్ అనే వ్యక్తి ఈ మోసానికి పాల్పడినట్లు గుర్తించారు.
పోలీసుల సమాచారం ప్రకారం, Central Industrial Security Force సిబ్బంది విమానాశ్రయంలో విధులు నిర్వహిస్తున్న సమయంలో ఒక వ్యక్తి పూర్తి యూనిఫామ్లో తిరుగుతూ ఫోటోలు తీసుకుంటున్నాడు. అతని ప్రవర్తన అనుమానాస్పదంగా ఉండటంతో వెంటనే అడ్డుకుని ప్రశ్నించారు. తనను సీఐఎస్ఎఫ్ అధికారిగా చెప్పుకున్నప్పటికీ, సరైన గుర్తింపు పత్రాలు చూపించలేకపోయాడు. దాంతో అతడిపై అనుమానం మరింత బలపడింది.
ఈ ఘటనపై స్పందించిన V. Sreekanth Goud వివరాలు వెల్లడించారు. విచారణలో అతను నిజానికి ఎలాంటి ప్రభుత్వ ఉద్యోగి కాదని, కేవలం నకిలీ యూనిఫామ్ ధరించి అధికారిగా నటిస్తున్నాడని తేలిందన్నారు. దీంతో వెంటనే అతడిని అదుపులోకి తీసుకుని మరింత దర్యాప్తు ప్రారంభించారు.
దర్యాప్తులో బయటపడిన విషయం మరింత సంచలనంగా మారింది. బాలకృష్ణ ఇప్పటికే పెళ్లైన వ్యక్తి, ఒక బిడ్డ కూడా ఉన్నాడు. అయినప్పటికీ మరో మహిళతో సంబంధం పెట్టుకుని, ఆమె కుటుంబాన్ని మోసం చేయడానికి తాను సెంట్రల్ గవర్నమెంట్ ఉద్యోగి, సీఐఎస్ఎఫ్లో పనిచేస్తున్నానని అబద్ధం చెప్పాడు. ఆ కుటుంబాన్ని నమ్మించడానికి యూనిఫామ్ కొనుగోలు చేసి, విమానాశ్రయంలో ఫోటోలు తీసి వాటిని WhatsApp ద్వారా పంపించాలని ప్లాన్ చేశాడు.
ఇంకా విచారణలో అతని మొబైల్లో వందలాది మహిళలతో చాట్లు ఉన్నట్లు పోలీసులు గుర్తించారు. Facebook, Instagram, మ్యాట్రిమోనీ వెబ్సైట్లలో (Marriage fraud) నకిలీ ప్రొఫైల్స్ సృష్టించి, ప్రభుత్వ ఉద్యోగి అనే పేరుతో మహిళలను మభ్యపెడుతున్నట్లు తెలిసింది. ఇది ఒక పెద్ద స్థాయి మ్యారేజ్ ఫ్రాడ్ నెట్వర్క్గా ఉండే అవకాశం ఉందని పోలీసులు అనుమానిస్తున్నారు.
తన స్వగ్రామంలో సులభంగా గుర్తుపడతాననే భయంతో, హైదరాబాద్ నగరాన్ని కేంద్రంగా ఎంచుకుని ఈ మోసాలకు పాల్పడినట్లు తెలుస్తోంది. ఇక్కడ తనపై వెరిఫికేషన్ ఆలస్యంగా జరుగుతుందని భావించి ఈ ప్లాన్ అమలు చేశాడని పోలీసులు తెలిపారు.
ఈ కేసులో ఇప్పటికే బాలకృష్ణను అరెస్ట్ చేసి, మరింత విచారణ కొనసాగిస్తున్నారు. అతడి మోసానికి గురైన మహిళలను గుర్తించడానికి ప్రత్యేకంగా దర్యాప్తు చేస్తున్నారు. ఈ ఘటనతో ఇలాంటి మోసాల పట్ల ప్రజలు అప్రమత్తంగా ఉండాలని పోలీసులు సూచిస్తున్నారు.
Also read:
