ప్రస్తుతం భారతీయ స్మార్ట్ఫోన్ మార్కెట్లో బడ్జెట్ నుంచి ప్రీమియం వరకు అనేక 5G Phones అందుబాటులో ఉన్నాయి. భారీ బ్యాటరీ, పవర్ఫుల్ ప్రాసెసర్, అద్భుతమైన కెమెరాలు, గేమింగ్ ఫీచర్లతో కంపెనీలు వరుసగా కొత్త మోడళ్లను విడుదల చేస్తున్నాయి. ముఖ్యంగా గేమింగ్, కెమెరా, సెల్ఫీలు, మల్టీమీడియా, బ్యాటరీ బ్యాకప్ వంటి అవసరాల ఆధారంగా వినియోగదారులు తమకు సరిపోయే ఫోన్లను ఎంచుకుంటున్నారు. తాజాగా మార్కెట్లో హాట్ టాపిక్గా మారిన పలు 5G స్మార్ట్ఫోన్లపై టెక్ వర్గాలు ఆసక్తికర రివ్యూలు వెల్లడించాయి.Phones
బడ్జెట్ సెగ్మెంట్లో REDMI A7 Pro 5G మంచి ఎంపికగా నిలుస్తోంది. 120Hz డిస్ప్లే, పెద్ద బ్యాటరీ, రెడ్మీ బ్రాండ్ నమ్మకం ఈ ఫోన్కు ప్రధాన బలాలు. అయితే 4GB RAM భవిష్యత్ అవసరాలకు పరిమితంగా ఉండొచ్చని టెక్ నిపుణులు చెబుతున్నారు. కెమెరా కూడా సాధారణ స్థాయిలోనే ఉందని పేర్కొంటున్నారు. అయినప్పటికీ “Best Budget Redmi Phone”గా ఇది గుర్తింపు పొందుతోంది.
దీర్ఘకాల వినియోగానికి Samsung Galaxy M17 5G అద్భుతమైన ఆప్షన్గా నిలిచింది. OIS కెమెరా, Gorilla Glass Victus రక్షణ, 6 సంవత్సరాల OS అప్డేట్స్, Samsung AI వంటి ఫీచర్లు దీనిని ప్రత్యేకంగా నిలబెడుతున్నాయి. అయితే బాక్స్లో ఛార్జర్ లేకపోవడం చిన్న లోపంగా మారింది. “Best Long-Term Smartphone”గా ఈ ఫోన్ హైలైట్ అవుతోంది.
భారీ బ్యాటరీ కోరుకునే వారికి Tecno POP X 5G మంచి ఎంపిక. 6500mAh బ్యాటరీ, 45W ఫాస్ట్ ఛార్జింగ్, IP64 రక్షణ ఫీచర్లు ఇందులో ఉన్నాయి. అయితే కెమెరా సాధారణ స్థాయిలో ఉండటం, Tecno సాఫ్ట్వేర్పై మిశ్రమ అభిప్రాయాలు రావడం మైనస్గా భావిస్తున్నారు. “Best Battery Backup Phone”గా దీనిని పేర్కొంటున్నారు.
గేమింగ్ అభిమానులకు iQOO Z11x 5G ప్రత్యేక ఆకర్షణగా మారింది. Dimensity 7400 ప్రాసెసర్, 7200mAh బ్యాటరీ, IP68/IP69 రేటింగ్, 4K వీడియో రికార్డింగ్ ఫీచర్లు దీనిని పవర్ఫుల్ ఫోన్గా నిలబెడుతున్నాయి. “Best Gaming Phone Under Budget”గా దీనికి మంచి గుర్తింపు లభిస్తోంది.
మరోవైపు Realme NARZO 90 5G “Battery Monster Smartphone”గా మార్కెట్లో హల్చల్ చేస్తోంది. 7000mAh బ్యాటరీ, 60W ఫాస్ట్ ఛార్జింగ్, బ్రైట్ డిస్ప్లే ఈ ఫోన్ ప్రత్యేకతలు. కెమెరాలు ఫ్లాగ్షిప్ స్థాయిలో లేకపోవడం మాత్రం చిన్న నిరాశగా మారింది.
సెల్ఫీ ప్రేమికులకు Vivo T5x 5G మంచి ఛాయిస్గా నిలుస్తోంది. 32MP సెల్ఫీ కెమెరా, పెద్ద బ్యాటరీ, మంచి ప్రాసెసర్ దీనికి ప్లస్ పాయింట్లు. AMOLED డిస్ప్లే లేకపోయినా “Best Selfie Phone”గా పేరు తెచ్చుకుంది.
స్టోరేజ్, బ్యాటరీ కోరుకునే వారికి Realme 15X 5G ఆకర్షణీయంగా మారింది. 144Hz డిస్ప్లే, 7000mAh బ్యాటరీ, 256GB స్టోరేజ్ ప్రధాన బలాలు. అయితే Dimensity 6300 మిడ్రేంజ్ ప్రాసెసర్ మాత్రమే ఉండటం కొంతమందికి నిరాశ కలిగిస్తోంది. “Best Storage Phone”గా ఇది నిలుస్తోంది.
ప్రీమియం సెగ్మెంట్లో Realme 16 Pro 5G మంచి హైప్ క్రియేట్ చేసింది. AMOLED డిస్ప్లే, 80W ఛార్జింగ్, 200MP కెమెరా ప్రధాన ఆకర్షణలు. “Best Premium realme Phone”గా ఇది గుర్తింపు పొందుతోంది.
ఇక మొత్తం విలువ పరంగా Redmi Note 14 Pro 5G Prime Edition “Editor’s Choice”గా నిలిచింది. Sony కెమెరా, Curved AMOLED డిస్ప్లే, Gorilla Glass Victus 2, పవర్ఫుల్ ప్రాసెసర్ ఈ ఫోన్కు ప్రధాన బలాలు. అయితే HyperOS యాడ్స్ కొందరికి ఇష్టం లేకపోవచ్చు.
అత్యుత్తమ గేమింగ్ స్మార్ట్ఫోన్గా iQOO Neo 10 టాప్లో నిలిచింది. Snapdragon 8s Gen 4, 120W ఫాస్ట్ ఛార్జింగ్, AMOLED డిస్ప్లే, Supercomputing chip దీనిని గేమింగ్ బీస్ట్గా మార్చాయి. కెమెరా కంటే పనితీరు, గేమింగ్పైనే ఎక్కువ ఫోకస్ పెట్టడం దీని ప్రత్యేకత. “Best Gaming Smartphone”గా ఇది మార్కెట్లో దూసుకుపోతోంది.
Also Read:
- Telangana: జ్యోతిష్యంపేరుతో కొత్త సైబర్ మోసాలు
- Dhoole Peta: సంచలనం సృష్టిస్తున్న తెలుగు క్రైమ్ థ్రిల్లర్
