ఇటీవలి కాలంలో మహిళా ప్రధాన కథలతో తెరకెక్కుతున్న సినిమాలు బాక్సాఫీస్ వద్ద కొత్త అధ్యాయాన్ని ప్రారంభిస్తున్నాయి. ఒకప్పుడు లేడీ ఓరియెంటెడ్ చిత్రాలు విమర్శకుల ప్రశంసలు అందుకున్నా, భారీ వసూళ్లు సాధించడం కష్టమనేది పరిశ్రమలో ఉన్న అభిప్రాయం. అయితే (Samantha) సమంత నటించిన ‘మా ఇంటి బంగారం’ ఆ అంచనాలన్నింటినీ తలకిందులు చేస్తూ అరుదైన రికార్డును సొంతం చేసుకుంది.
)
ఈ చిత్రం ప్రపంచవ్యాప్తంగా 100 కోట్ల గ్రాస్ మార్క్ను దాటిన తొలి తెలుగు మహిళా ప్రధాన చిత్రంగా నిలిచిందని ట్రేడ్ వర్గాలు పేర్కొంటున్నాయి. ఇప్పటివరకు ఫీమేల్ సెంట్రిక్ చిత్రాల్లో అత్యధిక వసూళ్ల రికార్డు ‘మహానటి’ పేరిట ఉండేది. ఇప్పుడు ‘మా ఇంటి బంగారం’ ఆ రికార్డును అధిగమించి కొత్త బెంచ్మార్క్ సృష్టించింది.
కొంతకాలం సినిమాలకు విరామం ఇచ్చిన తర్వాత సమంత తిరిగి వచ్చిన తొలి భారీ విజయం ఇదిగా భావిస్తున్నారు. ప్రేక్షకుల ఆదరణతో పాటు కుటుంబ ప్రేక్షకులను ఆకట్టుకున్న భావోద్వేగ కథనం ఈ విజయానికి ప్రధాన కారణంగా సినీ విశ్లేషకులు చెబుతున్నారు. విడుదలైన మొదటి వారంలోనే ఈ చిత్రం పలు ప్రాంతాల్లో బ్రేక్ ఈవెన్ సాధించి, తర్వాత కూడా స్థిరమైన కలెక్షన్లు నమోదు చేసింది.
ఈ విజయం తెలుగు చిత్రసీమలో మహిళా ప్రధాన కథలకు కొత్త ధైర్యాన్ని ఇచ్చింది. ఇప్పటికే ఐశ్వర్య రాజేష్ నటించిన ‘ఓ సుకుమారి’ జూలై 17న విడుదలకు సిద్ధమవుతోంది. అలాగే కాజల్ అగర్వాల్ ప్రధాన పాత్రలో రూపొందిన ‘ది ఇండియా స్టోరీ’ జూలై 24న ప్రేక్షకుల ముందుకు రానుంది. వ్యవసాయ రసాయనాల ప్రభావం వంటి సామాజిక అంశాలను ఈ చిత్రం ప్రస్తావించనుంది.
మరోవైపు రష్మిక మందన్న ‘మైసా’ అనే మహిళా ప్రధాన చిత్రంతో ఈ ఏడాది ప్రేక్షకులను అలరించనుంది. బలమైన కథలు, భావోద్వేగాలు, సామాజిక నేపథ్యంతో వస్తున్న ఈ చిత్రాలపై ఇప్పటికే భారీ అంచనాలు ఏర్పడ్డాయి.
‘మా ఇంటి బంగారం’ సాధించిన 100 కోట్ల ఘనత కేవలం (Samantha) సమంత కెరీర్కే కాదు, తెలుగు చిత్రసీమలో మహిళా ప్రధాన సినిమాల భవిష్యత్తుకూ కీలక మలుపుగా మారింది. ఇకపై కథ బలంగా ఉంటే మహిళా ప్రధాన చిత్రాలు కూడా వంద కోట్లు సాధించగలవని ఈ చిత్రం నిరూపించింది.
Also read:
